بہاولپور۔19فروری(اے پی پی)بہاولپور دی تحصیل خیرپور ٹامیوالی دے نیڑے کوہیر پاروں تیز رفتار ٹرک دے سکول وین نال ٹھاکݨ پاروں 2 طالب علم جاں بحق تھین اتے 7 شدید زخمی ہین۔ اے حادثہ کھنڈ موڑ اڈہ اسرانی تے تھئے ڄݙاں خیرپور ٹامیوالی توں بہاولپور ونڄݨ آلی سکول وین تیز رفتار ٹرک دے سامݨے آڳئی۔ حادثے اچ وین مکمل تباہ تھی گئی۔ وین اچ سوار 2 طالب علم سعد اتے اویس فوت تھین اتے 7 شدید زخمیاں کوں بہاولپور وکٹوریہ ہسپتال منتقل کر ڈتے۔ ٹرک ڈرائیور فرار تھی ڳئے۔ وین ڈرائیور کوں پولیس گرفتار کر ڳھدے۔
