اسلام آباد۔28فروری(اے پی پی)وفاقی وزیر اطلاعات ونشریات سینیٹر شبلی فراز آکھیے جو پوری قوم ڄاݨ ڳھدے جو انتخابی نظام اچ شفافیت سانڳے کون تریخ دے کیڑھے موڑ تے کھڑے، اپوزیشن اوپن بیلٹ دے مخالف ملک اچ کرپٹ نظام دا تسلسل چاہندی اے۔ ہک ٹویٹ اچ وفاقی وزیر سینیٹر شبلی فراز آکھیے جو اپوزیشن دھاندلی زدہ نظام دی حامی اتے شفافیت دی راہ اچ کندھ بݨی ہوئی اے، عمران خان انتخابی عمل اچ شفافیت کیتے غیر متزلزل عزم نال کہڑن، پی ٹی آئی او جماعت اے جئیں نظام اچ شفافیت اتے کرپشن مکاوݨ کوں تحریک دی شکل ݙتی اے، عمران خان اپݨے مقصد توں پچھو نہ ہٹسن۔
