اسلام آباد۔5مارچ (اے پی پی) وفاقی وزیرسائنس اینڈ ٹیکنالوجی چوہدری فواد حسین آکھیا جو ڈسکہ توں سینیٹ انتخابات تئیں الیکشن کمیشن کوتاہیاں تھین، الیکشن کمیشن آپݨے موقف تے نظرثانی کریندیں ہوئیں آپݨے اقدامات نال آزادی،خودمختاری اتے غیرجانبداری ثابت کریسی۔ وزیراعظم عمران خان اڄ ہفتے کوں قومی اسمبلی اچ اعتماد دا ووٹ ڳھنسن۔ پی ٹی آئی دے ݙو اراکین ولوں سینیٹ انتخابات توں پہلے الیکشن کمیشن اچ ریفرنس فائل کیتا ڳئے پر اوں تے کاروائی کائنی کیتی ڳئی پر ڈسکہ دے معاملے تے رات ترائے وڄے الیکشن کمیشن اقدامات کیتے، اے آکھݨ جو کہیں ادارے تے تنقید نی کرسڳدے تاں اے ڳالھ ٹھیک کائنی۔ او جمعے کوں پی آئی ڈی اچ وفاقی وزیر اطلاعات تے نشریات سینیٹر شبلی فراز اتےسینیٹر بیرسٹر علی ظفردے رلے سانجھی پریس کانفرنس نال خطاب کریندے پئے ہن۔انہاں آکھیا جو وزیراعظم عمران خان اتے پی ٹی آئی الیکشن کمیشن اتے سارے اداریاں دا احترام کریندی اے، اے خبر درست کائنی جو اساں الیکشن کمیشن دے باہر احتجاج کرݨ ویندے پیوں۔ انہاں آکھیا جو ادارے پریس ریلیز نال نی آپݨے اقدامات آپݨی غیرجانبداری،آزادی اتے خودمختاری دا اظہار کریندن، انہاں آکھیا جو ادارے ولوں وزیراعظم دے بیان تے پریس ریلیز مناسب کائنی۔
