اسلام آباد۔2 مارچ (اے پی پی)وزیر خارجہ شاہ محمود قریشی آکھیے جو سی پیک دے تحت خصوصی اقتصادی زونز بݨݨ نال صنعتی و زرعی شعبہ ترقی کریسی، اے ڳالھ انہاں چین دے سفیر نونگ رونگ نال ملݨ ویلھے آکھی۔ انہاں پاک چین سنڳت دے ستر سال پورے تھیوݨ سانڳے تقریباں تے الایا اتے ݙو طرفہ تعلقات ،مختلف شعبیاں اچ کثیر الجہتی تعاون سودھا باہمی دلچسپی تے ڳالھ مہاڑ کیتی۔ وزیر خارجہ آکھیا جو پاک چین سنڳت ہر اوکھے سوکھے ویلھے دی منی ہوئی اے، ایں سنڳت کوں پورے ستر سال تھیندے پین اساں ایں سنڳت کوں اڳیں آلی کار اڳو تے ودھیسوں۔
