اسلام آباد۔5مارچ (اے پی پی) وفاقی وزیر اطلاعات تے نشریات سینیٹر شبلی فراز آکھیا جو وزیراعظم عمران خان دے ویژن دے مطابق سیاحت دے شعبے کوں ترقی ݙتی ویندی پئی اے تانجو ملک اچ روزگار دے موقع بݨ سڳن، پیراگلائیڈنگ اچ نینگراں دی دلچسپی ودھدی پئی اے، او جمعے کوں اتھاں ترائے ݙینھ دے سیاحتی اتے فیملی میلے دی افتتاحی تقریب نال خطاب کریندے پئے ہن ۔وفاق وزیر منصوبہ بندی ‘ترقی ‘اصلاحات تے خصوصی اقدامات اسد عمر‘ وفاقی وزیر توانائی عمر ایوب‘ وفاقی وزیر ہوابازی غلام سرورخان ، وزیراعظم دے معاون خصوصی ذوالفقار بخاری‘ وفاق وزیر برائے بین الصوبائی رابطہ و کھیل فہمیدہ مرزا دے علاوہ ملک دے مختلف حصیاں توں سیاحت اتے کھیݙاں دے شعبے بارے رکھݨ آلی نشابر شخصیات دی وݙی تعداد تقریب اچ شریک ہئی ۔
