پاکستان اتے روس دے وچال وزرا ء خارجہ دی قیادت اچ وفد دی سطح تے مذاکرات ،اقتصادی، تجارتی ،توانائی و دفاعی تعاون دے ودھارے ، ݙو طرفہ تعاون ودھاوݨ دے عزم دا اعادہ

اسلام آباد۔7اپریل  (اے پی پی):پاکستان اتے روس وچال وفد دی سطح تے مذاکرات ٻدھ کوں وزارت خارجہ اچ منعقد تھئن ۔ اقتصادی، تجارتی ،توانائی و دفاعی تعاون دے ودھارے سودھے سانجھی دلچسپی دے شعبیں اچ ݙو طرفہ تعاون ودھاوݨ دے عزم دا اعادہ کیتا کیتے ۔پاکستانی وفد دی قیادت وزیر خارجہ مخدوم شاہ محمود قریشی جݙاں جو روسی وفد دی قیادت روسی وزیر خارجہ سرگئی لاوروف کریندے پئن ۔ مخدوم شاہ محمود قریشی کورونا وائرس دی عالمی وبا دے دوران روس اچ تھیوݨ آلے جانی ضیان تے افسوس دا اظہار کیتے اتے آکھیے میکوں خوشی اے جو جیں جوانمردی دے نال روس ایں عالمی وبا دے  چیلنج دا سامݨا کیتا اتے او قابل تحسین اے ۔پاکستان سودھے دنیا دے ٻہوں ملکاں روسی کورونا ویکسین “سپٹنک 5” توں فیدہ چیندے پئن ۔ شاہ محمود قریشی آکھیے جو وزیر اعظم عمران خان اتے صدر پیوٹن دے مابین متواتر رابطہ، ݙو طرفہ تعلقات دے استحکام دا مظہر اے۔