وزیراعظم شہباز شریف دا کراچی اچ رہائشی عمارت ݙھاوݨ نال جانی نقصان تے افسوس

خانکندی۔ 4 جولائی (اے پی پی) وزیراعظم محمد شہباز شریف کراچی اچ رہائشی عمارت ݙھیوݨ پاروں تھیوݨ آلے جانی نقصان تے ݙُکھ اَتے افسوس کیتا۔ جمعہ کوں وزیراعظم آفس دے پریس ونگ ولوں جاری بیان موجب وزیراعظم حادثے اچ جاں بحق تھیوݨ آلیاں دے درجات دی بلندی دی دعا کیتی اَتے انہاں دے ٹبراں نال تعزیت اظہارکیتی۔ وزیراعظم حادثے اچ زخمی تھیوݨ آلیاں کوں ہر ممکن طبی سہولتاں ݙیوݨ اَتے عمارت دے ملبے تلوں دبیے لوکاں کوں بچاوݨ بارے ریسکیو آپریشن تیز کرݨ دی ہدایت کریندیں ہوئیں آکھیا جو مستقبل اچ ایجھے حادثات توں بچاؤ کیتے ترجیحی بنیاداں تے حکمت عملی ٻݨائی ونڄے۔