قوم دہشت گردی کوں ہراوݨ سانڳے ٻہوں قربانی ݙتی اے، اینکوں ولا کائنا سر چاوݨ ݙیسوں، وزیر اعظم عمران خان

اسلام آباد۔22اپریل  (اے پی پی) وزیر اعظم عمران خان بدھ کوں کوئٹہ اچ تھیوݨ آلے دہشت گرد حملے دی مذمت کریندیں ہوئیں اتے اینکوں بزدلانہ قرار ڈیندیں ہوئیں ایں اچ معصوم انسانی جاناں دے ضیان تے ݙکھ تے افسوس کیتے۔ انہاں آکھیا جو قوم دہشت گردی کوں ہراوݨ سانڳے ٻہوں قربانی ݙتی اے، اینکوں ولا کائنا سر چاوݨ ݙیسوں۔ انہاں آکھیا جو اساں اندرونی اتے بیرونی خطرات نال نبڑݨ سانڳے چوکس ہیسے۔