اسلام آباد۔21اپریل (اے پی پی) وفاقی وزیر برائے منصوبہ بندی ترقی تے اصلاحات تےخصوصی اقدامات ونیشنل کمانڈ اینڈ آ پریشن سنٹر دے سربراہ اسدعمر آکھیا جو کورونا وائرس دی وبا اچ شدت پاروں جمعے توں نویں پابندیاں شروع کریسوں۔ صوبیاں دی مدد سانڳے وفاق تیار اے، ایں ہفتے کورونا توں اموات دی تعداد ساریاں توں ودھ اے۔ کئی شہراں اچ وینٹی لیٹرز دا استعمال 80 فیصد توں ودھ اے۔ کورونا دی شرح مردان اچ 33، پشاور 26، بہاول پور 38 فیصد اے، قوم وی عمل نی کریندی پئی، انتظامیہ وی کاروائی نی کریندی پئی۔ اے ڳالھیں انہاں پریس بریفنگ اچ آکھی۔
