اسلام آباد۔6جولائی (اے پی پی):وزیراعظم دے مشیر تجارت و سرمایہ کاری عبدالرزاق دائود آکھیے جو وݙی درآمدی منڈیاں کوں کیتی ونڄݨ آلی برآمدات اچ خاطر خواہ ودھارا تھئے۔منگل کوں آپݨے ٹویٹ اچ انہاں آکھیے جو گزریل مالی سال 2021 دے دوران چین کوں کیتی ونڄݨ آلی برآمدات 34 فیصد ودھارے توں 2.33 ارب ڈالر تئیں ودھ ڳیاں جݙاں جو مالی سال 2020 دے دوران چین کوں 1.74 ارب ڈالر دی برآمدات کیتیاں ڳیاں ہن ، اینویں گزریل مالی سال دے دوران چین کوں کیتی ونڄݨ آلی برآمدات اچ 586 ملین ڈالر دا ودھارا تھئے۔ انہاں مزید آکھیے جرمنی کوں کیتی ونڄݨ آلی قومی برآمدات 19 فیصد ودھارے توں 1.3 ارب ڈالر دے مقابلے اچ 1.5 ارب ڈالر تئین ودھ ڳئن ۔ ہالینڈ کوں کیتی ونڄݨ آلی برآمدات وی گزریل مالی سال دے دوران 23 فیصد ودھارے توں ھک ارب ڈالر دے مقابلے اچ 1.2 ارب ڈالر تئیں ودھ ڳئن ۔
