وزیراعظم عمران خان دی اگوانڑی اچ ملک ترقی دو ویندا پئے، اوکھا ویلھا لنگھ گئے،احتساب، شفافیت ، میرٹ، خود انحصاری، سرمایہ کاری اتے روزگار دے مواقع سودھا توانائی اتے معیشت دی ترقی تے ودھ توجہ اے،وفاقی وزراسینیٹر شبلی فراز، مراد سعید، فواد چوہدری، شیریں مزاری، فہمیدہ مرزا، معاونین خصوصی ندیم بابر اتے شہزاد قاسم دی پریس کانفرنس

اسلام آباد ۔ 19 اگست (اے پی پی) وفاقی وزراءآکھیے جو وزیراعظم عمران خان دی اگوانڑی اچ ملک ترقی دو ویندا پئے، اوکھا ویلھا لنگھ گئے،احتساب، شفافیت ، میرٹ، خود انحصاری، سرمایہ کاری اتے روزگار دے مواقع سودھا توانائی اتے معیشت دی ترقی تے ودھ توجہ اے، اپوزیشن مایوسی کھنڈاونڑ دی ناکام کوشش اچ اے بھل لوک سادے نال ہین۔اے گالھ وفاقی وزیر اطلاعات و نشریات سینیٹر شبلی فراز، وفاقی وزیر مواصلات مراد سعید، وفاقی وزیر سائنس اینڈ ٹیکنالوجی فواد چوہدری، وفاقی وزیر انسانی حقوق شیریں مزاری، وفاقی وزیر بین الصوبائی رابطہ فہمیدہ مرزا، وزیر اعظم دے معاون خصوصی برائے پٹرولیم ندیم بابر اتے وزیر اعظم دے معاون خصوصی برائے بجلی شہزاد قاسم نال پریس کانفرنس اچ آکھی۔وفاقی وزیر مراد سعید آکھیا جو وزیراعظم دے وژن دے مطابق احتساب، شفافیت، میرٹ اتے خود انحصاری اچ لگے ہوئے ہیں،وزارت مواصلات شفافیت کیتے ای ٹیکنالوجی تے توجہ ڈیندی پئی اے، حکومت شفافیت کیتے ای بلنگ، ای بڈنگ اتے ای ٹینڈرنگ30 ستمبرتوں شروع کر ڈیسی ایندے نال اساں ریونیو مانیٹر کرسگسوں،ادارے سادگی مہم دے تحت کم کریندے پین،جیندے تےح ت وزارت مواصلات اچ750ملین روپے دی بچت کیتی گئی،خود انحصاری کیتے محاصل ودھاونڑ تے توجہ ڈتی اے،وزارت اچ آڈٹ کراتے احتساب سانگے 12 ارب 56 کروڑ روپے ریکورکیتن،ڈو سال اچ ریونیو53 توں103 ارب روپے ودھیے،ساڈے دور اچ شاہراہوا ں دے منصوبیاں تے 48.2 فیصدودھ کم تھئے،روزگار اتے سرمایہ کاری کیتے پبلک پرائیویٹ پارٹنرشپ دی حکمت عملی اپنائی اے،وزارت پوسٹل سروسز اچ وی انقلابی اقدامات کیتن،ٹریک ٹریس سروس،یو ایم ایس اتے بیرون ملک ای ایم ایس سروس شروع کیتی اے،ای کامرس کیتے 15چھوٹے برانڈزنال معاہدے کیتن، ڈو سال اچ پاکستان پوسٹ دی آمدنی11.4توں و دھ تے 14ارب تھی گئی اے۔