شہباز شریف دی گرفتاری عدالتی فیصلہ اے،جیکر فیصلہ حق اچ آوے تاں چنگاں نتاں سیاسی انتقام قرار ڈتا ویندے،جمہوریت دی اڈ اچ مظلوم بنڑن دی بجائے شریف ٹبر سوالاں دا ولدا ڈیوے،وفاقی وزیر اطلاعات و نشریات سینیٹر شبلی فراز دی مشیر داخلہ و احتساب بیرسٹر شہزاد اکبرنال پریس کانفرنس

اسلام آباد ۔ 28 ستمبر (اے پی پی) وفاقی وزیر اطلاعات و نشریات سینیٹر شبلی فرازآکھیے جو شہباز شریف دی گرفتاری عدالتی فیصلہ اے،جیکر فیصلہ حق اچ آوے تاں چنگاں نتاں سیاسی انتقام قرار ڈتا ویندے،جمہوریت دی اڈ اچ مظلوم بنڑن دی بجائے شریف ٹبر سوالاں دا ولدا ڈیوے۔اے گالھ وفاقی وزیر اطلاعات و نشریات سینیٹر شبلی فراز اسلام آباد اچ مشیر داخلہ و احتساب بیرسٹر شہزاد اکبرنال پریس کانفرنس اچ آکھی۔ انہاں آکھیا جو شہباز شریف دی گرفتاری دی وجہ غیر قانونی اثاثہ کیس اچ عدالت کوں مطمئن نہ کرنر اے،نواز شریف وی ایوں عدالت کوں مطمئن نہ کرسگیے ہن،عدالتی فیصلیاں تے بیان بازی توہین عدالت ہین،ماضی گواہ اے جو ن لیگ ہمیشہ عدالتاں تے دباو سٹیے یا انصاف کوں مل گھنڑ دی کوشش کیتی اے ،ہک سادی سوال اے جو انہاں اتنی مڈی کتھو کمائی اے؟شہباز شریف کہین وی سوال دا ولدانئیں ڈتاجیکر پیسہ جائز کمائے تاں ڈساونڑ اچ کیا ہرج اے؟جیکر تہاڈے کولو کوئی جواب کائنی تاں ایندا مطلب اے جو ساری دال ہی کالی اے۔انہاںا ٓکھیے جو عمران خان تاں عدالت کوں ساری منی ٹریل ڈتی اے، اتے سادق و امین وی قرار تھین،بھل تساں ولدا ڈیونڑ دی بجائے باھرو بھج ویندے او اتے اداریاں کوں مندے کھڈھدے او،اج پاکستان بدل چکیے،ہنڑ زور زبردستی، کوڑ پلال نہ چلسی،ساڈی کہیں نال کوئی ذاتی دشمنی کائنی،نوازشریف اویں تاں بیماری دا بہانہ کریندن بھل اے پی سی اچ گھنٹہ الاونڑ تے انہں دے کوئی لیٹ لیٹس نئیں مکیے۔۔