اسلام آباد۔18 ستمبر(اے پی پی)وفاقی وزیرِ توانائی سردار اویس احمد خان لغاری نال پاکستان اچ ترکیہ دے سفیر ڈاکٹر عرفان نذیراوغلو ملاقات کیتی ڄیندے اچ پاکستان دے پاور سیکٹر اچ جاری اصلاحات، ڈسکوز دی نجکاری اچ پیش رفت اتے ترک سرمایہ کاراں دی شرکت سودھا پاکستان اتے ترکیہ وچال توانائی دے شعبے اچ تعاون ٻیا اڳو تے ودھاوݨ تے الایا۔ ملاقات اچ ڈسکوز دی نجکاری بارے حکومت ولوں ہݨ تئیں …
وفاقی وزیرِ توانائی سردار اویس احمد خان لغاری نال ترکیہ دے سفیر ڈاکٹر عرفان نذیراوغلو دی ملاقات
مزید خبراں
اسلام آباد۔18 ستمبر(اے پی پی)وفاقی وزیرِ توانائی سردار اویس احمد خان لغاری نال پاکستان اچ ترکیہ دے سفیر ڈاکٹر عرفان نذیراوغلو ملاقات کیتی ڄیندے اچ پاکستان دے پاور سیکٹر اچ جاری اصلاحات، ڈسکوز دی نجکاری اچ پیش رفت اتے ترک سرمایہ کاراں دی شرکت سودھا پاکستان اتے ترکیہ وچال توانائی دے شعبے اچ تعاون ٻیا اڳو تے ودھاوݨ تے الایا۔ ملاقات اچ ڈسکوز دی نجکاری بارے حکومت ولوں ہݨ تئیں مکمل کیتے ڳئے اقدامات تے جاری عمل تے تفصیلی ڳالھ تھئی۔ وفاقی وزیر ڈسکوز دی نجکاری دے عمل اچ ترک کمپنیاں دی دلچسپی اتے شرکت دا خیرمقدم کیتا۔ وفاقی وزیر ترک سرمایہ کاراں کوں پاکستان دے پاور سیکٹر اچ موجود مواقع توں ودھ فیدہ چاوݨ دی دعوت ݙتی۔ ترک سفیر پاکستان اچ پاور سیکٹر اچ جاری اصلاحات اتے نجی شعبے دی شرکت کیتے اقدامات کوں سراہیا۔ ملاقات اچ اتفاق کیتا ڳیا جو پاکستان اتے ترکیہ دے متعلقہ ادارے توانائی دے شعبے اچ اصلاحات، سرمایہ کاری، تکنیکی تعاون اتے نجی شعبے دی شمولیت دے ودھارے کیتے باہمی روابط کوں ٻیا مستحکم کریسن۔
