اسلام آباد ۔ 30 ستمبر (اے پی پی) کراچی اچ کورونا وائرس دے کیسز دی تعداد اچ ودھارا تھئے ۔ نیشنل کمانڈ اینڈ آپریشن سنٹر (این سی او سی) موجب اجلاس دے دوران کراچی اچ کورونا وائرس کیسز دی صورتحال تے بریفنگ ڈتی گی ۔ این سی او سی اجلاس کوں ڈسایا گیا جو کراچی اچ کورونا وائرس دے کیس ودھدے پئن ۔ ملک اچ کورونا دے 747 کیسز اچوں 365 صرف کراچی دے ہن۔ وزیر اعظم دے معاون خصوصی صحت ڈاکٹر فیصل آکھیے جو کورونا وائرس دی وبا کوں روکنڑ کیتے سمارٹ لاک ڈاﺅن کیتا ونجے ۔انہاں آکھیے تاثرین تئیں رسائی اتے ہیلتھ پروٹوکولز توں ہی ایں وائرس کوں روکیا ونج سگدے ۔ فورم کوں بریفنگ ڈیندے ہوئیں سیکرٹری ہیلتھ سندھ ڈسایا جو شہری انتظامیہ صورتحال مانیٹر کریندی پئی اے ،انہاں مزید ڈسائے جو سٹیک ہولڈرز دی مشاورت نال مناسب انتظامات کیتے ویسن
