اسلام آباد ۔ 30 ستمبر (اے پی پی) وزیر خارجہ مخدوم شاہ محمود قریشی آکھیے جو پاکستان سودھے پوری دنیا وچ انسانی حقوق دیاں تنظیماں کوں ایمنسٹی انٹرنیشنل نال روا رکھیے گئے بھارتی رویے دے خلاف آواز چاونڑیں چاہیدی اے ،اج بھارت دا اصل چہرہ بے نقاب تھی چکے ۔بدھ کوں آپنڑے ہک بیان اچ وزیر خارجہ آکھیا جو ہندوستان اچ اقلیتاں دے نال، بالخصوص مسلماناں دے نال جیرھا سلوک کیتا ویندا پئے ایندے تے اساکوں بے حد تشویش اے ۔بھارت اپنڑے غیر قانونی تسلط اچ جموں و کشمیر اچ جیویں انسانی حقوق دیاں پامالیاں جاری رکھیاں ہوئیاں ہن او ہک المناک داستان اے جیں کوں بھارت لکاونڑ چاہندا ہئی ۔ایمنیسٹی انٹرنیشنل جڈاں بھارت ولوں انسانی حقوق دیاں سنگین خلاف ورزیاں کوں منظر عام تے گھن آونڑ چاہیا تاں اتنا مجبور کیتا گیا جو انہاں کوں بھارت اچ آپنڑے دفتر بند کرنڑیں پئے ۔انہاں اے اکاونٹس منجمد کر ڈتے گئن۔پاکستان سودھے پوری دنیا اچ جتنیاں وی انسانی حقوق دیاں تنظیماں ہن انہاں کوں بھارتی رویے دے خلاف آواز چاونڑیں چاہیدی اے ۔اج بھارت دا اصل چہرہ بے نقاب تھی چکے ۔
