اسلام آباد۔6اکتوبر (اے پی پی) وفاقی وزیر داخلہ شیخ رشید احمد آکھیا جو طورخم اتے چمن دے علاوہ افغانستان نال جڑی سرحداں تے جدید بائیو میٹرک نظام اتے آئن لائن ویزہ شروع کیتا ویسی۔ ملکی سلامتی کیتے محافظ اداریاں تے تنقید کرݨ آلے اقتدار دے بھکے لوکاں دے ہتھ کجھ کائنا امسی، او آپݨا ضیان کریسن، نواز شریف دی سیاست مُکدی پئی اے۔ کالعدم ٹی ٹی پی نال مذاکرات دی کوئی خبر کائنی، مفاہمت نال معالے حل کرݨے چاہیدن۔ اے ڳالھیں انہاں بدھ کوں نیشنل ایکشن پلان دے جائزہ اجلاس دے بعد صحافیاں نال ڳالھ مہاڑ کریندیں ہوئیں آکھی۔ انہاں مریم نواز ولوں ملکی اداروں تے تنقید بارے سوال دے جواب اچ آکھیا جو پاک فوج اتے ادارے ملکی سلامتی دے ضامن ہن، ملکی سلامتی کیتے محافظ اداریاں تے تنقید کرݨ آلے اقتدار دے بھکے لوکاں دے ہتھ کجھ کائنا امسی۔ ساری دنیا اچ اساݙے اداریاں دی کارکردگی اتے صلاحیت کوں منیا ویندے۔ ہک سوال دے جواب اچ انہاں آکھیا جو وزیراعظم عمران خان پنڈورا پیپرز دی تحقیقات دی ہدایت کر ݙتی اے۔
