اسلام آباد۔6اکتوبر (اے پی پی) معاون خصوصی برائے سیاسی ابلاغ ڈاکٹر شہباز گِل آکھیا جو پاناما پیپرز نااہل تے مفرور نواز شریف دی کرپشن دی داستان اے۔ سپریم کورٹ پانامہ کیس دا فیصلہ سݨیندیں ہوئیں انہاں کوں نااہل کیتا ہئی۔ بدھ کوں مریم صفدر دے بیان دے ولدے اچ انہاں آکھیا جو متحدہ عرب امارات اچ کیپیٹل ایف زیڈ ای بارے 2013 اچ آپݨے کاغذات نامزدگی اچ ذکر نہ کرݨ تے موصوف کوں نااہل کیتا ڳیا ہئی۔ انہاں آکھیا جو ایون فیلڈ ریفرنس اچ نواز شریف کوں 10 سال قید تھئی، ایں کیس اچ نواز شریف کوں اسی لکھ پائونڈ جرمانہ وی کیتا ڳیا ہئی اتے اے سارے حقائق تے دلائل سݨݨ دے بعد معزز عدالت فیصلہ سݨایا۔ انہاں آکھیاجو اڄ کیلبری کوئین سیاسی انجینئرنگ دا منجن وچیندی پئن۔
