اسلام آباد۔11مارچ (اے پی پی):صدر مملکت ڈاکٹر عارف علوی ملکی ترقی کیتے صنعتاں اتے کاروباراں دی اہمیت کوں اجاگر کریندے ہوئیں آکھیے جو پاکستان دے سیاحت دے شعبے اچ بے پنا ہ موقع ہن جنہاں توں بھرپور فیدہ چاوݨ دی لوڑھ اے ، ایں سلسلے اچ نینگراں کوں مناسب تربیت اتے رہنمائی ݙتی ونڄے ، اے ڳالھ انہاں ایوانِ صنعت و تجارت سوات دے وفد نال ڳالھ مہاڑ کریندے ہوئیں آکھی اے جیں عدنان علی دی قیادت اچ جمعے کوں اتھاں انہاں نال ملاقات کیتی۔ صدر مملکت آکھیے جو صنعتاں اتے کاروباری برادری تجارتی حجم ودھاوݨ تے ملکی ترقی اچ اہم کردار ادا کریندیاں پئن ۔ صدر مملکت سوات اچ سیاحت دے شعبے اچ ترقی دے مواقع دی اہمیت کوں اجاگر کریندے ہوئیں سیاحت دے شعبے اچ امکانات توں فیدہ چا تے ملازمت دے مواقع پیدا کیتے ونڄ سڳدن ، ایں سسلسلے اچ نوجواناں کوں مہمان نوازی تے قیام و طعام دے شعبے اچ تربیت ݙیوݨ دی لوڑھ اے۔
