اسلام آباد۔18مارچ (اے پی پی) فاقی وزیر اطلاعات چوہدری فواد حسین آکھیا جو حکومت ، آرٹیکل 63-A دی تشریح کیتے سپریم کورٹ اچ آرٹیکل 186 دے تحت ریفرنس فائل کرݨ دا فیصلہ کیتے۔ سپریم کورٹ توں رائے منڳی ویسی جو جئیں ویلھے ہک پارٹی دے ممبران واضح طور تے ہارس ٹریڈنگ اچ ملوث ہوون اتے پیسیاں دے بدلے وفاداری تبدیل کرن تاں انہاں دےووٹ دی قانونی حیثیت کیا اے؟ چوہدری فواد حسین جمعےکوں آپݨے ٹویٹ اچ آکھیا جو ایجھے ممبران جیڑھے آپݨی وفاداریاں معاشی فائدے پاروں تبدیل کرن انہاں دی نااہلیت تاحیات ہوسی یا انہاں کوں ولا انتخاب لڑݨ دی موکل ہوسی؟ سپریم کورٹ کوں درخواست کیتی ویسی جو ایں ریفرنس کوں روزانہ دی بنیاد تے سݨ تے فیصلہ سݨایا ونڄے ۔
