اسلام آباد۔18مارچ (اے پی پی) وفاقی وزیر اطلاعات تے نشریات چوہدری فواد حسین آکھیا جو حکومت اوورسیز پاکستانیاں دے مسئلیاں دے حل کیتے ہر ممکن اقدامات کریندی پئی اے۔ وفاقی وزیر اطلاعات تے نشریات چوہدری فواد حسین نال پاکستان تحریک انصاف نیویارک دے صدر امجد نواز دی قیادت اچ ملاقات کرݨ آلیاں دے وفد نال ڳالھ مہاڑ کیتی۔ ایں موقع تے وفاقی وزیر اطلاعات ، اوورسیز کنونشن اچ تحریک انصاف نیویارک دے وفد دی شرکت تے خصوصی شکریہ ادا کیتا۔ وفاقی وزیر اطلاعات آکھیا جو حکومت اوورسیز پاکستانیاں دے مسئلیاں دے حل کیتے ہر ممکن اقدامات کریندی پئی اے۔صدر تحریک انصاف امجد نواز ملاقات اچ آکھیا جو اوورسیز پاکستانیز پی ٹی آئی دی حکومت نال کھڑن۔ انشاء اللہ اپوزیشن آپݨے عزائم اچ ناکام تھیسی اتے عمران خان ہک واری ولا سرخرو تھیسن۔