اسلام آباد۔6اپریل (اے پی پی):پاکستان تحریک انصاف دے رہنما بابراعوان آکھیے جو ڈپٹی سپیکر دی رولنگ تے ڳھدے ڳئے از خود نوٹس تے عدالت عظمی اچ آئین اتے قانون دے مطابق دلائل ݙیساں ۔ اے ڳال انہاں ٻدھ کوں اتھاں سپریم کورٹ دے باہر مذکورہ بالا از خود نوٹس دی سماعت توں پہلے صحافیاں نال ڳال مہاڑ اچ آکھی اے ۔ بابر اعوان آکھیے لوکاں کوں یقین ݙیواوݨ کیتے رستہ تجویز ہووݨا چاہیدے جو پاکستان اچ قانون اتے آئین دی بالا دستی اے ۔ انہاں آکھیے جواپوزیشن دے وکلاء دلائل ݙیوݨ اچ ترائے ݙینھ لاتے ، اساں گھٹ ویلھا لیسوں ،ساݙے دلائل آئین اتے قانون دے مطابق ہوسن ۔ انہاں آکھیے حالی آرٹیکل 63 اے دی تشریح دے حوالے نال وی فیصلہ آوݨ باقی اے۔
