اسلام آباد۔4جون (اے پی پی) سرکاری حج سکیم دے تحت پہلی پرواز 6 جون کوں اسلام آباد توں روانہ تھیسی۔ مذہبی امور دے ترجمان دے مطابق 106 حج پروازاں دے ذریعے 32 ہزار عازمین کوں سعودی عرب پڄایا ویسی۔ اسلام آباد توں روٹ ٹو مکہ پراجیکٹ دے تحت 42 پروازاں چلائی ویسن۔ فلائٹ شیڈول ویب سائیٹ تے لا ݙتا ڳئے اتے عازمین کوں موبائل میسج وی جاری کر ݙتے ڳئے۔ عازمین حج کوں ہدایت کیتی ڳئی اے جو کہیں وی پریشانی توں بچݨ کیتے پروزاں دے شیڈول تے سختی نال عمل کرن۔ عازمین حج جاری شیڈول دے مطابق اعتماد سنٹر توں بائیومیٹرک کراون۔ عازمین لازمی ویکسینز، شناختی لاکٹ، پاسپورٹ، حج ویزہ، ٹکٹ، ریسٹ بینڈ دے حصول کیتے حاجی کیمپ رابطہ کرن۔
