اسلام آباد۔10جون(اے پی پی)وفاقی وزیر اطلاعات و نشریات مریم اورنگزیب آکھیے جو آئی ایم ایف دیاںا وکھیاں شرطاں دے باوجود حکومت اوہو جھیاں بجٹ ݙتے جیویں 2018ء اچ معاشی استحکام کیتے تکڑا بجٹ ہا۔ میڈیا نال الیندے انہاں آکھیا جو بجٹ اچ زراعت دے شعبہ کیتے تاریخی اقدامات کیتن اتے ایکوں زیرو ٹیکس انڈسٹری قرار ݙتے، زرعی شعبہ اچ مراعات نال زرعی پیداوار ودھسی، زرعی آلات تے زیرو کسٹم ڈیوٹی و سیلز ٹیکس ہوسی، اے ہک تاریخی ٹیکس استثنیٰ اے۔ انہاں آکھیا جو معاشی استحکام صرف زراعت نال ہی آسڳدے، آئی ٹی شعبہ اچ وی رماعات ݙتن، فوڈ سیکورٹی اچ وی تاریخی اعلانات کیتن، بجٹ اچ نوجواناں کیتے خصوصی اقدامات کیتن۔ انہاں آکھیا جو آئی ایم ایف دی سخت شرائط دے باوجود انکم ٹیکس حد 6 لکھ روپے توں ودھا تے 12 لکھ روپے کیتی اے، 12 لکھ روپے تئیں آمدن آلے لوکاں کوں کوئی ٹیکس نہ ݙیوݨا پوسی، بجٹ اچ فلم انڈسٹری کیتے وی تاریخی اعلانات کیتن جو پاکستانی کلچر و سیاحت کوں ترقی ملے، ایں سانڳے فلم انڈسٹری کوں مکمل ٹیکس استثنیٰ ݙتے۔ انہاں آکھیا جو اساں او بجٹ ݙتے جیڑھا ملک اچ معاشی بدحالی مکا تے معاشی استحکام ݙیسی، وزیراعظم آندے ہی 10 فیصد پنشن ودھائی ہئی اتے بجٹ اچ ٻیا 5 فیصد وی ودھائے۔
