سیلابی لہراں اچ پتھے ٻالاں کوں بچا تے پاک بحریہ، اسلام آباد ضلعی انتظامیہ، پولیس اتے ریسکیو 1122 دے عملے فرض شناسی دی عمدہ مثال قائم کیتی اے ،وزیراعظم شہباز شریف

اسلام آباد۔5جولائی  (اے پی پی):وزیراعظم شہباز شریف اسلام آباد دے کورنگ نالہ اچ سیلابی لہراں اچ پتھے چار ٻالاں کوں بچاوݨ تے ریسکیو ٹیم دی کارکردگی دی تعریف کریندے ہوئیں آکھیے جو پاک بحریہ، اسلام آباد دی ضلعی انتظامیہ، پولیس تے ریسکیو 1122 دے عملے فرض شناسی دی عمدہ مثال قائم کیتی اے ۔ وزیراعظم میڈیا آفس توں جاری بیان موجب وزیراعظم آکھیے طوفانی سیلابی ریلے اچ ریسکیو دے عملے جیں جانفشانی، چابکدستی، مہارت اتے دلیری ݙکھائی اے انہاں کوں خراج تحسین پیش کرینداں ، انہاں آکھیے شدید موسمی حالات اچ والدین اپݨے ٻالاں دی حفاظت دے حوالے نال ذمہ واری دا مظاہرہ کرن، اللہ دا شکر اے جو کوئی حادثہ نی تھیا ۔ وزیراعظم آکھیے راولپنڈی سودھے پورے ملک دی ضلعی انتظامیہ، پولیس اتے ریسکیو ٹیماں اسلام آباد دی ٹیم دی مثال دی تقلید کرن، اے واقعہ ساریں کیتے ھک مثال اے جے اساں ایویں ٹیم ورک، محنت اتے جانفشانی نال کم کروں تاں انشاء اللہ مشکلات دے طوفانی ریلیں توں سرخرو تھی تے نکلسوں ۔ انہاں آکھیے طوفانی مینھ تے سیلابی صورتحال اچ قومی تے انسانی ہمدردی دے جذبے نال آپݨے اہل وطن دی مدد کروں ۔