پنجاب دے 20 حلقیں اچ 17جولائی کوں تھیوݨ آلے ضمنی انتخابات پراݨی حتمی انتخابی فہرستاں تے تھیندے پئن ، الیکشن کمیشن دی وضاحت

اسلام آباد۔8جولائی  (اے پی پی):الیکشن کمیشن آکھیے جو پنجاب دے 20 حلقیں اچ 17جولائی کوں تھیوݨ آلے ضمنی انتخابات پراݨی حتمی انتخابی فہرستاں تے تھیندے پئن۔ الیکشن کمیشن توں جاری وضاحتی بیان موجب شیڈول دے اعلان توں بعد انتخابی فہرست منجمند کرݙتی ویندی اے تاں جو پولنگ سکیم بݨاوݨ اچ سوکھ تھیوے ۔بیان اچ آکھیا ڳئے جو قانون دے مطابق الیکشن شیڈول دے اعلان دے بعد ووٹر لسٹ اچ کوئی تبدیلی ننی کیتی ونڄ سڳدی ، نہ ہی کوئی ووٹ درج کیتا ونڄ سڳدے نہ خارج کیتا ونڄ سڳدے ، نہ ہی ووٹر دے کوائف کوں بدالیا ونڄ سڳدے ، ووٹر لسٹ او تئیں نی بدالی ونڄ سڳدی جݙاں تئیں متعلقہ حلقہ اچ الیکشن دا انعقاد نہ تھی ونڄے ۔