وزیراعظم شہباز شریف دا معروف سماجی کارکن عبدالستار ایدھی دے ورھیݨے تے خراج عقیدت

اسلام آباد ۔8جولائی  (اے پی پی):وزیراعظم شہباز شریف معروف سماجی کارکن عبدالستار ایدھی دے ورھیݨے تے انہاں کوں خراج عقیدت پیش کیتے تے آکھیے جو عبدالستار ایدھی مخلوق دی خدمت کرتے اللہ رب العزت دی خوشنودی ڳھدی ، اللہ تعالی انسانیت دے بے لوث خادم تے آپݨیاں رحمتاں نال کرے ۔ وزیراعظم آفس دے پریس ونگ  موجب وزیراعظم شہباز شریف معروف سماجی کارکن عبدالستار ایدھی دے ورھیݨے تے آکھیے جو عبدالستار ایدھی فخر پاکستان ہن جنہاں ساری عمر انسانیت دی پرخلوص خدمت اچ گزارݙتی ۔ یتیماں، بے سہاریں دا سرپرست بݨ تے انہاں معاشرے کوں بے آسرتھیوݨ توں بچایا تے بے سہاریں دا سہارا بݨیے ، مرحوم عبدالستار ایدھی تے مرحومہ بلقیس ایدھی دا خدمت خلق دا مشن جاری اے جیڑھا انہاں کیتے صدقہ جاریہ اے ۔ اللہ تعالی مرحوم کوں جنت الفردوس اچ جاہ ݙیوے تے انہاں دے خاندان کوں صبر ݙٰوے ۔ آمین