کشمیریاں دی جراتمندانہ جدوجہد کوں سلام اے ، برہان  وانی کشمیریاں دی جراتمندانہ مزاحمت دا استعارہ و علامت بݨ چکیے ،وزیراعظم شہباز شریف

اسلام آباد۔8جولائی  (اے پی پی):وزیراعظم شہباز شریف کشمیری حریت پسند برہان مظفر وانی دے شہادت دے ݙینھ تے انہاں کوں خراج عقیدت پیش کیتے تے نال ہی آکھیے جو کشمیریاں دی جراتمندانہ جدوجہد کوں سلام اے ۔وزیراعظم آفس دے پریس ونگ  موجب وزیراعظم شہباز شریف آکھیے  برہان مظفر وانی بھارتی غاصبانہ قبضے دے خلاف کشمیریاں دی جراتمندانہ مزاحمت دا استعارہ و علامت بݨِ ڳئے ، تعلیم نال محبت کرݨ آلے نینگر برہان کوں قابض بھارتی فوج ناحق تنگ کیتا تے کتاب کھس تے بندوق چاوݨ تے مجبور کیتا ۔وزیراعظم شہباز شریف آکھیے برہان وانی قرآن پڑھاوݨ آلی ماں دے لخت جگر تے ھک استاد دے بہادر پتر ہن ۔ برہان وانی بھارت دے ناجائز قبضے دے خلاف بے مثال جدوجہد تے عظیم قربانی نال حریت کشمیر دا ھک نواں باب لکھ ݙتے ۔