صدر مملکت ڈاکٹر عارف علوی دا مادر ملت محترمہ فاطمہ جناح کوں انہاں دے ورھیݨے تے شاندار الفاظ اچ خراج عقیدت

اسلام آباد۔9جولائی  (اے پی پی):صدر مملکت ڈاکٹر عارف علوی مادر ملت محترمہ فاطمہ جناح کوں انہاں دے ورھیݨے تے شاندار الفاظ اچ خراج عقیدت پیش کیتے ۔ ایوان صدر دے پریس ونگ توں جاری بیان موجب صدر مملکت آکھیے پوری قوم مادر ملت کوں سلام پیش کریندی اے ۔ انہاں آکھیے جو قائداعظم محمد علی جناح کیتے مادر ملت محترمہ فاطمہ جناح دی بھرپور حمایت تحریک پاکستان کیتے تقویت دا باعث بݨی۔ صدر مملکت آکھیے جو سیاست اچ مادر ملت دا قائدانہ کردار پاکستانی تریمتاں کیتے حوصلہ افزائی دا باعث اے۔ صدر ڈاکٹر عارف علوی آکھیے مادرِ ملت آپݨے بھرا محمد علی جناح دی بیماری ویلھے انہاں دی بہترین ݙیکھ بھال کیتی تے پاکستان کیتے انہاں دی خدمات کوں دیرتئیں یاد رکھیا ویسی ۔