سیاست داناں کوں آپݨی انا کوں ھک پاسے رکھ تے ملک کیتے سوچݨا چاہیدے،وفاقی وزیر سید خورشید شاہ

سکھر۔10جولائی  (اے پی پی):وفاقی وزیر سید خورشید شاہ آکھیے جو سیاست داناں کوں آپݨی انا کوں ھک پاسے رکھ تے ملک کیتے سوچݨا چاہیدے ۔ معیشت بہتر تھیندی پئی اے ایں کیتے سخت فیصلے کائناں کرݨے پوسن ۔ سکھر اچ میڈیا نال ڳالھ کریندے ہوئیں انہاں آکھیے جو پوری قوم کوں عید دی مبارخ ݙینداں تے اے ݙینھ دراصل انا دی قربانی دا ݙینھ اے ۔ سیاستداناں کوں چاہیدے جو انا کوں ھک پاسے رکھ تے ملک کیتے کم کروں ، پاکستان ھک ݙینھ انشاء اللہ کامیاب ملک بݨ ویسی اساں ساریں کوں آپݨے ملک نال محبت اے ، ایں کیتے وݙیاں آفتاں توں نکل تے آئے ہیسے۔ انہاں آکھیے جو پاݨی دا مسئلہ اہم اے ایں کیتے پاکستان اچ ڈیماں دی لوڑھ اے ، ملک دی ترقی دا ھکو رستہ اے او ہے پاݨی جݙاں جو پاݨی تے ہر ہفتے ݙو میٹنگز تھیندن ۔ بجٹ اچ وی پاݨی تے زیادہ پیسہ رکھیا ڳئے آندے ݙینھاں اچ معیشت بہتر تھیسی ۔عمران خان سیاستدان کائنی، او ٻالیں دا ھک کھݙوݨا اے جیں نال ٻال کھیݙدے رہ ویندن ۔