سپریم کورٹ دا فیصلہ، حکومت دا سابق وزیراعظم، سپیکر و ڈپٹی سپیکر اتے وزیر قانون دے خلاف آرٹیکل 6 دا ریفرنس بھیڄݨ دا فیصلہ، وزیر داخلہ رانا ثنا اللہ دی پریس کانفرنس

اسلام آباد۔14جولائی(اے پی پی)وفاقی وزیر داخلہ رانا ثنا اللہ خان آکھیے جو سابق ڈپٹی سپیکر دی رولنگ دے خلاف ازخود نوٹس دا فیصلہ ہک تاریخ ساز فیصلہ اے، عدالت عظمی دے فیصلے پاروں وفاقی حکومت سابق وزیراعظم، سپیکر و ڈپٹی سپیکر اتے وزیر قانون دے خلاف آرٹیکل 6 دا ریفرنس بھیڄݨ دا فیصلہ کیتے، عدالتی فیصلے نال عمران خان نیازی دی سیاست دا جنازہ نکل ڳئے، عمران خان اپݨے مفادات کیتے قومی مفادات کوں ضیان پڄا سڳدے، آرٹیکل 6 سودھا سپیکر قومی اسمبلی وی عمران خان اتے پی ٹی آئی دے خلاف نااہلی ریفرنس بھڄواون۔ اسلام آباد اچ پریس کانفرنس کریندے انہاں آکھیا جو اینڄھے فیصلے قوماں دا مستقبل طے کریندن، ایں فیصلے اڄ ملک اچ آئین دی حکمرانی، عوام دے حق حاکمیت تے مہر لائی اے، عدالت ایندے تے کارروائی اتے آئین و قانون دے مطابق اقدامات وی بیان کیتن، سابق حکومت آئین دی صریحا خلاف ورزی کیتی اے اتے سابق وزیراعظم، سپیکر، ڈپٹی سپیکر، وزیر قانون سودھا 5 اہم شخصیات آئین نال فراد کیتے جیندے توں وݙا جرم کائنی۔