پی ٹی آئی اپݨے دور اچ حکومتی اداریاں دے ذریعے سیاسی انتقام کھنݙائے، وزیر دفاع خواجہ محمد آصف

اسلام آباد۔21جولائی(اے پی پی)وزیر دفاع خواجہ محمد آصف آکھیے جو پی ٹی آئی اپݨے دور اچ حکومتی اداریاں دے ذریعے سیاسی انتقام ودھائے، ملک دی اڄوکی تاریخ اچ سب توں ودھ شفاف الیکشن تے کہیں اعتراض نی کیتا، مریم نواز دے جلسیاں نال پاکستان مسلم لیگ ن اپݨی سنڄاݨ ٻݨاعی اے اتے ضمنی الیکشن اچ ن لیگ 5 سیٹاں ڳھدن اتے پہلے توں ودھ ووٹ پین۔ اسلام آباد اچ وفاقی وزیر خزانہ مفتاح اسماعیل نال پریس کانفرنس کریندے انہاں آکھیا جو پنجاب اچ 20 سیٹیاں اچوں 7 تے تاں ساݙے امیدوار وی کائنا ہن، اساں 2018 دے الیکشن دے بعد انہاں ضمنی الیکشن اچ 2 لکھ ووٹ ودھ ڳھدن، اساں اپݨی سیاسی پوزیشن پہلے توں وی تکڑی کیتی اے، ساݙے ووٹ اتے سیٹاں ودھین، انہاں آکھیا جو اڄ اپݨے 178 اراکان کوں وچیندے ودن، الزام ساݙے تے ہے جو اساں لوک لوٹے ٻݨائن، جنہاں بیان حلفی ݙتن، انہاں کیتے ہکی ڄاہ تو اسٹام ڳھدن اتے تصدیق وی ہکے ڄݨے توں کرائی ڳئی اے۔