عمران خان دا پروجیکٹ ناکام تھی ڳئے ، خواجہ سعد رفیق

لاہور۔25جولائی  (اے پی پی) مسلم لیگ ن دے رہنما  وفاقی وزیر ریلوے خواجہ سعد رفیق آکھیا جو عمران خان کوں ایں کیتے آندا ڳئے جو بے نظیر اتے نواز شریف دے منہ چنڳا نہ لڳدا ہئی۔ اڄ اساں آئین اتے جمہوریت دی بالادستی کیتے کٹھے تھیوں۔ لاہور احتساب عدالت اچ پیشی دے موقع تے میڈیا نال ڳالھ مہاڑ کریندیں ہوئیں خواجہ سعد رفیق آکھیا جو عمران خان دا پراجیکٹ ناکام تھی ڳئے۔ اونکوں لانچ کرݨ آلے ہݨ پریشان ہن۔ اساں عدم اعتماد آن تے کوئی گناہ کیتے؟ آئین کوں پارلیمنٹ لکھ سڳدی اے۔ اگر عمران خان دے خلاف عدم اعتماد نہ امدی تاں من پسند لوکاں دی تقرریاں نال ای وی ایم نال عمران خان کوں اکثریت ݙوائی ویندی۔ اساݙا کیس ہکو اے اساں پاکستان کوں آزاد ݙیکھݨ چاہندوں۔