سوال اے جو فل کورٹ کیوں نی؟مسئلہ پنجاب اچ کہیں دی حکومت دا نی، آئین اتے انصاف دا اے، مریم اورنگزیب

اسلام آباد۔26جولائی  (اے پی پی) وفاقی وزیر اطلاعات تے نشریات مریم اورنگزیب آکھیا جو سوال اے جو فل کورٹ کیوں نی؟مسئلہ پنجاب اچ کہیں دی حکومت دا نی، آئین اتے انصاف دا اے۔ منگل کوں آپݨے بیان اچ انہاں آکھیا جو عمران خان اتے چوہدری شجاعت دے ہک سویں خطوط اتے انڄ انڄ تشریح کیوں؟ آئین شکن عمران خان دے خط تے 25 منحرف ارکان کوں ووٹ پاوݨ دی موکل کائنی اتے ڈی سیٹ وی تھی ڳئے اتے ووٹ وی نی ڳݨیا۔ چوہدری شجاعت دے خط تے ووٹ پاوݨ دی موکل اتے ووٹ شمار کیوں تھیوے۔ انہاں آکھیا جو ترائے اپریل کوں عمران خان دے بطور پارٹی سربراہ خط دی تشریح اتے 22 جولائی کوں چوہدری شجاعت دے وی بطور پارٹی سربراہ خط دی تشریح اچ فرق کیوں؟ اے کیجھا انصاف اے جو عمران خان دی چٹھی حلال اتے چوہدری شجاعت حسین دی حرام اے۔