حکومت سرکاری کمپنیاں کیتے نواں قانون ٻݨائے، خرچیاں اچ ڳھٹکی اتے خسارہ ڳھٹ کرݨ تے توجہ ݙیندے پیوں، سرکاری کمپنیاں دی کارکردگی بہتر کرݨ دی لوڑھ اے، وزیر مملک خزانہ ڈاکٹر عائشہ غوث پاشا

اسلام آباد۔27جولائی  (اے پی پی) وزیر مملکت برائے خزانہ تے ریونیو ڈاکٹر عائشہ غوث پاشا آکھیا جو حکومت سرکاری کمپنیاں کیتے نواں قانون ٻݨائے، خرچیاں اچ ڳھٹکی اتے خسارہ ڳھٹ کرݨ تے توجہ ݙیندے پیوں، سرکاری کمپنیاں دی کارکردگی بہتر کرݨ دی لوڑھ اے۔ اے ڳالھیں انہاں بدھ کوں سرکاری کمپنیاں اچ اصلاحات بارے وزارت خارجہ دے سیمینار نال خطاب کریندیں ہوئیں آکھی۔ انہاں آکھیا جو سرکاری کمپنیاں اچ اصلاحات ٻہوں اہم موضوع اے۔ 200 توں ودھ سرکاری کمپنیاں مختلف شعبیاں اچ کم کریندی پئن۔ کجھ کمپنیاں ایکٹ دے تحت اتے کجھ پارلیمنٹ دے قانون دے تحت قائم ہن جڈانجو کجھ کمپنیاں نقصان اچ ہن۔ سرکاری کمپنیاں دا مجموعی نقصان ہک کھرب روپے سالانہ توں ودھ اے۔ نقصان اچ چلݨ آلی سرکاری کمپنیاں قومی مالی خسارے دا باعث اے۔ وزیرمملکت آکھیا جو سرکاری کمپنیاں عالمی معیار دے مطابق چلاوݨ ویلھے دی لوڑھ اے۔ حکومت وسائل پیدا کرݨ تے توجہ ݙیندی پئی اے۔