پارلیمنٹ پائیدار ترقیاتی اہداف دے حصول اچ آپݨا کردار ادا کرے،احسن اقبال

اسلام آباد۔27جولائی  (اے پی پی) وفاقی وزیر برائے منصوبہ بندی ترقی تے اصلاحات وخصوصی اقدامات احسن اقبال آکھیا جو پارلیمنٹ پائیدار ترقیاتی اہداف دے حصول اچ آپݨا کردار ادا کرے اتے درکار وسائل اتے قانون سازی کوں یقنی ٻݨاوے۔ اے ڳالھیں انہاں بدھ کوں پائیدار ترقی اہداف بارے سیمینار توں خطاب کریندیں ہوئیں آکھی۔ انہاں آکھیا جو 2018 اچ حکومت چھوڑی تاں ترقیاتی بجٹ ہک ہزار ارب ہئی، کہیں ملک دا ترقیاتی بجٹ تھیندا پئے تاں او اڳوں کینویں ویسی۔ انہاں آکھیا جو جݙاں اساں واپسی آئے تاں ایندا ترقیاتی بجٹ سکڑ تے 550 ارب دے نیڑے ہئی۔ انہاں آکھیا جو نینگر اساݙا اثاثہ ہن، انہاں کوں بہتر سہولتاں ݙیوݨ اساݙی ذمہ واری اے، تعلیم ،صحت، امن ، تحفظ او اہداف ہن جئیں اچ سیاسی اختلافات نی ہووݨے چاہیدے۔ اراکین پارلیمنٹ دا اے فرض اے جو او ایں بارے اقدامات کرن۔