اسلام آباد۔30جولائی (اے پی پی) وفاقی وزیراطلاعات مریم اورنگزیب آکھیا جو وزیراعظم محمدشہبازشریف جھل مگسی دے دورے تے روانہ تھی ڳئن۔ چھݨ چھݨ کوں آپݨے ہک بیان اچ انہاں آکھیا جو سردار خالد مگسی اتے سینیٹر مولانا عبدالغفور حیدری وی وزیراعظم نال ہن۔ انہاں آکھیا جو وفاقی وزیرہاؤسنگ مولانا عبدالواسع اتے وزیرمملکت پاور محمد ہاشم نوتیزئی وی وزیراعظم نال دورہ کریندے پئن۔ ایندے علاوہ معاون خصوصی سید فہد حسین اتے چئیرمین این ڈی ایم اے لیفٹیننٹ جنرل اختر نواز وی دورے اچ وزیراعظم نال ہن۔ مریم اورنگزیب آکھیا جو وزیراعظم دورے اچ بلوچستان اچ سیلاب اتے بارشاں دی تباہ کاریاں دا جائزہ ڳھنسن۔ متاثرین سیلاب دے ریسکیو، ریلیف اتے بحالی دے کماں دا وی جائزہ ڳھنسن۔
