اسلام آباد۔2اگست (اے پی پی) وزیراعظم محمد شہباز شریف آکھیا جو بلوچستان اچ بارشاں توں تباہی ناقابل بیان اے، متاثرین دی آباد کاری تئیں چین نال کائںا ٻہسوں۔ پوری قوم متاثرہ ٻھیݨ ٻھراواں دی مدد کیتے اڳوں آئے۔ منگل کوں آپݨے ٹویٹ اچ انہاں آکھیا جو بلوچستان اچ بارشاں توں تباہی ناقابل بیان اے۔ حکومت سارے اداریاں ضروریات کوں سامھے رکھیندیں ہوئیں ریسکیو اتے ریلیف دا کم تکھا کر ݙتے۔ اساں اوں ویلھے تئیں چین نال کائنا ٻہسوں جݙاں تئیں آباد کاری پوری نی تھی ویندی۔ وزیراعظم آکھیا جو اساں سیلاب توں پیدا تھئی صورتحال دا مقابلہ کرݨ کیتے کئی محاذاں تے کم کریندے پیوں۔
