ممنوعہ فنڈنگ کیس اچ الیکشن کمیشن دا فیصلہ عمران خان دے جرائم دی تصدیق اے، عمران خان صادق تے امین کائنی، عالمی منی لانڈر ثابت تھی ڳئن، پارٹی چیئرمین دے عہدے توں فوری استعفیٰ ݙیون، مریم اورنگزیب

اسلام آباد۔2اگست  (اے پی پی) وفاقی وزیر اطلاعات تے نشریات مریم اورنگزیب آکھیا جو ممنوعہ  فنڈنگ کیس اچ الیکشن کمیشن دا فیصلہ عمران خان دے  جرائم دی تصدیق اے، عمران خان صادق تے امین کائنی، عالمی منی لانڈر ثابت تھی ڳئن، پارٹی چیئرمین دے عہدے توں فوری استعفیٰ ݙیون۔ عمران خان پاکستان دے خلاف غیر ملکی سازشی منصوبہ ہئی اتے ھے۔ منگل کوں آپݨے بیان اچ وفاقی وزیر اطلاعات آکھیا جو عمران خان کوڑا اتے جعلساز اے، ایں تے الیکشن کمیشن مہرلاݙتی اے۔ عمران خان اسرائیل، بھارت، امریکا ، کینیڈا سودھے ٻئے ملکاں توں ممنوعہ فنڈنگ ڳھدی اے۔ انہاں آکھیا جو عمران خان غیر قانونی فنڈنگ نال پاکستان اچ فتنہ برپا کیتی۔ عمران خان ڄاݨ ٻجھ تے 351 غیر ملکی فنڈنگ نال پاکستان اچ فتنہ برپا کیتے۔ انہاں آکھیا جو 13 غیر قانونی بینک اکاؤنٹس عمران خان خود چلیندا رہیے اتے انہاں کوں الیکشن کمیشن توں لکایا، عالمی فراڈیاں خیرات دے ناں تے پیسے ڳھدے اتے جعلسازی کیتی۔