راولپنڈی۔2اگست (اے پی پی) لسبیلہ دے علاقہ وندر موسیٰ گوٹھ اچ ہیلی کاپٹر حادثہ اچ کور کمانڈر کوئٹہ لیفٹیننٹ جنرل سرفراز علی اتے ٻئے چھی افسر شہید تھی ڳئن۔ ڈی جی آئی ایس پی آر منگل کوں آپݨے ٹویٹ اچ آکھیا جو سیلاب اچ امدادی سرگرمیاں اچ مصروف بدقسمت ہیلی کاپٹر دا ملبہ لسبیلہ دے علاقے وندر موسی گوٹھ توں مل ڳئے۔ ایں حادثے اچ لیفٹیننٹ جنرل سرفراز علی سمیت 6 افسران اتے فوجی جوان شہید تھی ڳئے۔ شہید تھیوݨ آلیاں اچ کور کمانڈر 12 کور لیفٹیننٹ جنرل سرفرازعلی، ڈائریکٹر جنرل پاکستان کوسٹ گارڈز بریگیڈیئر امجد حنیف ، 12 کور دے بریگیڈیئر محمد خالد، پائلٹ میجر سعید احمد ، معاون پائلٹ میجر محمد طلحہٰ منان اتے نائیک مدثر فیاض شامل ہن۔ ابتدائی تحقیقات دے مطابق حادثہ موسم دی خرابی پاروں تھیے۔
