وزیراعظم شہباز شریف دا کور کمانڈر کوئٹہ لیفٹیننٹ جنرل سرفراز علی سودھے پاک فوج دے افسراں اتے نینگراں دی شہادت تے ݙکھ تے افسوس کیتا

اسلام آباد۔2اگست  (اے پی پی) وزیراعظم شہباز شریف دا کور کمانڈر کوئٹہ لیفٹیننٹ جنرل سرفراز علی سودھے پاک فوج دے افسراں اتے نینگراں دی شہادت تے ݙکھ تے افسوس کیتا اتے آکھیا جو پوری قوم آپݨے شہیداں کوں سلام پیش کریندی اے۔ منگل کوں وزیراعظم آفس دے میڈیا ونگ توں جاری بیان موجب وزیراعظم آکھیا جو لیفٹیننٹ جنرل سرفراز علی، ڈی جی پاکستان کوسٹ گارڈ میجر جنرل امجد حنیف،کمانڈر انجینئر 12 کور بریگیڈیئر خالد، پائلٹ میجر سعید، کوپائلٹ میجر طلحہ اتے کریو چیف نائیک مدثر شہید کوں پوری قوم سلام پیش کریندی اے۔ انہاں آکھیا جو وطن دے اے پتر قوم دا فخر ہن جنہاں آپݨی جاناں سیلاب اچ پھتے آپݨے ہم وطناں دی جاناں بچاوݨ کیتے وار ݙتن۔ پوری قوم شہیداں دے ٹٻراں دے ݙکھ اچ شریک اے، اللہ تعالیٰ شہیداں دے درجات بلند فرماے اتے انہاں دے ٹٻراں کوں صبر ݙیوے۔