اسلام آباد۔2اگست (اے پی پی):سپیکر قومی اسمبلی راجہ پرویز اشرف اتے ڈپٹی سپیکر زاہد اکرام درانی لسبیلہ دے نیڑے پاک آرمی دے ہیلی کاپٹر حادثے اچ لیفٹیننٹ جنرل سرفراز احمد سمیت 6 فوجی افسراں دے جانی نقصان تے ݙکھ تے افسوس کیتے۔ منگل کوں آپݨے تعزیتی سنیھے اچ انہاں آکھیا جو پوری قوم ہیلی کاپٹر اچ سوار پاک آرمی دے افسراں اتے نینگراں دے نقصان تے ݙکھ اچ اے۔ انہاں لیفٹیننٹ جنرل سرفراز علی سمیت 6 افسراں دی بہادی اتے شجاعت کوں سلام پیش کیتا اتے آکھیا جو قوم انہاں دی قربانیاں کوں یاد رکھیسی۔ انہاں اللہ تعالیٰ توں دعا کیتی جو انہاں دے ٹٻراں کوں اے صدمہ برداشت کرݨ دی توفیق ݙیوے۔
