اسلام آباد۔2اگست (اے پی پی) مشیر امور کشمیر قمر زمان کائرہ ہیلی کاپٹر حادثے اچ پاک فوج دے اعلیٰ افسراں اتے نینگراں دی شہادت تے ݙکھ تے افسوس کیتے۔ انہاں آکھیا جو ملک دی حفاظت اتے سلامتی کیتے سکیورٹی فورسز دے افسراتے نینگر آپݨی جان دا نذرانہ ݙیندے پئن۔ قمر زمان کائرہ آکھیا جو امن تے سلامتی ہووے یا ولا قدرتی آفات، پاک فوج ہمیشہ آپݨی ذمہ واری نبھائن۔ ۔ انہاں اللہ تعالیٰ توں دعا کیتی جو انہاں دے ٹٻراں کوں اے صدمہ برداشت کرݨ دی توفیق ݙیوے اتے شہیداں کوں جنت الفردوس اچ ڄاہ ݙیوے۔
