سیلاب توں متاثر تھیے چھیکڑی بندے دی بحالی تئیں چین نال کائنا ٻہسوں، وزیراعظم شہباز شریف دا روجھان اچ سیلاب متاثرین توں خطاب

روجھان۔5اگست  (اے پی پی) وزیراعظم شہباز شریف آکھیا جو سیلاب توں متاثر تھیے چھیکڑی بندے دی بحالی تئیں چین نال کائنا ٻہسوں۔ صوبائی حکومتاں نال رَل تے سانجھے سروے کر تے گھراں اتے کھڑی فصلاں کوں تھیوݨ آلے نقصان دے معاوضے کیتے فارمولا بݨیسوں۔ سیلاب توں انہاں علاقیاں کوں بچاوݨ کیتے منصوبیاں کوں عملہ جامہ پوایا ویسی۔ جمعے کوں سیلاب توں متاثر تھیے راجن پور دے علاقے روجھان اچ متاثرین توں خطاب کریندیں ہوئیں وزیراعظم سیلاب اتے بارشاں پاروں تھیوݨ آلے جانی تے مالی ضیان تےا فسوس کریندیں ہوئیں آکھیا جو ڈپٹی کمشنر نقصان دا ابتدائی سروے کر ڳھدے۔ انہاں آکھیا جو فصلاں اتے گراں کوں تھیوݨ آلے نقصان دے جائزے کیتے سروے کرایا ویسی۔ وزیراعظم ایں موقع تے متاثرین نال ملاقات وی کیتی جنہاں علاقے اچ تھیوݨ آلے نقصان بارے ݙسیا اتے علاقے دا دورہ کرݨ اتے متاثرین دی دار رسی تے وزیراعظم کوں دعائیں ݙتی اتے انہاں دا شکریہ ادا کیتا۔