وزیر اعظم شہباز شریف دی کامن ویلتھ گیمز اچ جیولن تھرو اچ گولڈ میڈل گھنݨ تے ارشد ندیم کوں مبارخ

اسلام آباد۔8اگست (اے پی پی) وزیراعظم شہباز شریف کامن ویلتھ گیمز اچ جیولن تھرو اچ گولڈ میڈل گھنݨ تے ارشد ندیم کوں مبارخ ݙیندے ہوئیں آکھیے جو انہاں پاکستان کیتے قابل فخر کارنامہ سرانجام ݙتے ۔آپݨے ٹویٹ اچ  وزیر اعظم آکھیے اڄ سویلے جاڳݨ تے اے شاندار خبر سݨݨ کوں ملی جو ارشدندیم کامن ویلتھ گیمز اچ اپݨا پہلاگولڈ میڈل گھن تے قوم کیتے قابل فخر کارنامہ سرانجام ݙتے ۔ارشد ندیم دا تسلسل،محنت،لڳن نینگراں کیتے مشعل راہ اے۔وزیراعظم شہباز شریف ایں شاندار کامیابی تے ارشد ندیم کوں مبارخ ݙتی ۔