یوم عاشور باطل دی اطاعت توں انکار تے حق دی سربلندی کیتے سینہ سپر تھیوݨ دا ابدی درس اے، وزیراعظم شہباز شریف دا قوم دے ناویں پیغام

اسلام آباد۔9اگست  (اے پی پی):وزیراعظم  محمد شہباز شریف آکھیے جو یوم عاشور باطل دی اطاعت توں انکار تے حق دی سربلندی کیتے سینہ سپر تھیوݨ دا ابدی درس اے ، اسلام اڄ انہاں قربانیاں دی بناء تے زندہ اے، یوم عاشور حق و باطل دے لازوال معرکے دی یاد ݙویندے ۔ یوم عاشور دے موقع تے قوم دے ناویں آپݨے پیغام اچ وزیراعظم آکھیے جو حضرت امام حسین تے انہاں دے خاندان دی عظیم قربانی حق و باطل تے ظالم و مظلوم وچال ھک لکیر چکھ ݙتی ، عظیم امام ھک اخلاقی اصول قائم کیتا جیں حق خودارادیت دی جدوجہد کوں متحرک کرݙتا۔ وزیراعظم آکھیے جو حضرت امام حسین بے آوازاں دی آواز تے اتحاد، اخوت، اخلاق تے سچائی دے عملبردار ہن، انہاں دا مزاحمت اتے بہادری دا پیغام مساوات تے آزادی دے آفاقی اصولاں دی بنیاد تے انسانیت کوں اخلاقی عالمی نظام دی خواہش دا درس ݙیندا رہ ویسی ، وزیراعظم آکھیے جݙاں انسانیت ٻہوں سارے چیلنجاں توں گزردی اے تے انہاں رکاوٹاں کوں بھنݨ دی کوشش کریندی جیں اچ او خود کوں پیندے ، اینکوں حضرت امام حسین تے انہاں دے رفقاء دے مثالی کردار توں رہنمائی حاصل کرݨی چاہیدی اے جیڑھا جو صبر، وفاداری، اتحاد تے رواداری دیاں خوبیاں دے طفیل تقسیم، افراتفری اتے انتشار دیاں قوتاں کوں شکست ݙے سڳدی اے۔