پاکستان تے ترکی وچال معاہدہ 5 ارب ڈالر دے ابتدائی تجارتی ہدف کوں حاصل کرݨ اچ مدد ݙیسی ،وزیراعظم شہبازشریف

اسلام آباد۔12اگست (اے پی پی):وزیراعظم شہبازشریف آکھیے جو پاکستان تے ترکی وچال معاہدہ 5 ارب ڈالر دا ابتدائی تجارتی ہدف حاصل کرݨ اچ مدد ݙیسی ، آپݨے ھک ٹویٹ اچ وزیراعظم آکھیے جو پاکستان تے ترکی وچال اڄ جمعے کوں سامان دی تجارت دے معاہدے توں موقع دے نویں رستے کھلسن ، انہاں آکھیے اے معاہدہ 5 بلین ڈالر دے ابتدائی تجارتی ہدف کوں حاصل کرݨ اچ اہم ثابت تھیسی ، انہاں آکھیے جو پاکستان تے ترکی وچال تجارت دے لامحدود امکانات ہن۔ دنیا ڄاݨ گھنتے جو اساں کاروبار چاہندوں ۔