صدر عارف علوی دا 8 اگست دے شمالی وزیرستان اچ خود کش حملے دے شہداء دے لواحقین نال ٹیلی فون تے اظہارِ تعزیت

اسلام آباد۔13اگست (اے پی پی):صدر مملکت ڈاکٹر عارف علوی 8 اگست دے شمالی وزیرستان اچ خود کش حملے دے شہداء دے لواحقین نال ٹیلی فون تے اظہارِ تعزیت کیتے ۔انہاں شہداء کوں خراج عقیدت پیش کیتے اتے وارثاں دے نال اظہارِ ہمدردی کیتے۔ہفتے کوں ایوان صدر دے پریس ونگ توں جاری بیان موجب صدر مملکت سپاہی محمد عمیر شہید دے والد نال فون تے تعزیت کیتی۔شہید دے لواحقین اچ ھک ڈھائی سال دا پتر چھوڑیے ۔ٹیلی فون تے ڳالھ مہاڑ اچ سپاہی عمیر شہید دے والد صدر مملکت نال ملاقات دی خواہش دا اظہار کیتے۔صدر مملکت دی سپاہی شاہزیب اسلم دے چاچے نال وی فون تے ڳالھ مہاڑ کیتی ۔سپاہی شاہزیب اسلم شہید دے چاچے وی آرمی نال تعلق رکھیند ہن ۔ شاہ زیب اسلم شہید دے چاچے آکھیے شہید دے والد وفات پا چکئن، 6 مہینے دی گھٹ عمر اچ انہاں دی پرورش کیتی،میݙی ذاتی شہادت دی 32 سالہ خواہش ناتمام رہی، میݙے بھتریجے شہادت پا تے سر فخر نال اچا کیتے ۔صدر مملکت پاک فوج دے خاکروب خرم شہزاد دے بھرا نال وی فون تے ڳالھ کیتی ۔خرم شہزاد مسیحی برادری توں تعلق رکھیندے ہن ۔صدر مملکت وطن تے جان قربان کرݨ تے خاندان ااتے انہاں دے چرچ دے بشپ دا شکریہ ادا کیتے۔صدر عارف علوی سپاہی سجّاد علی شہید دے والد نال وی فون تے تعزیت کیتی ۔صدر مملکت 4 اگست کوݨ میران شاہ اچ شہادت پاوݨ آلے سپاہی انصار علی دے والد نال وی فون تے اظہارِ تعزیت کیتے۔صدر مملکت سارے شہداء کوں ملک کیتے خدمات اتے جان قربان کرݨ تے خراج تحسین پیش کیتے ۔صدرمملکت آکھیے جو قوم اپݨے شہداء دی احسان مند اے،جدائی دے ݙکھ اچ اہل خانہ دے نال ہیسے۔