یوم آزادی دی ڈائمنڈ جوبلی دے موقع تے پاک فضائیہ دا شاہیناں کوں خراج تحسین

اسلام آباد۔14اگست (اے پی پی):پاک فضائیہ دے شعبہ تعلقات عامہ یومِ آزادی پاکستان دی ڈائمنڈ جوبلی دی مناسبت نال ملی ڳاوݨ جاری کرݙتا ، اے ڳاوݨ پاک فضائیہ دے انہاں سپوتاں دی جرات و بہادری کوں خراجِ تحسین اے جنہاں دشمن دے نال فضائی معرکیں اچ بہادری دیاں داستاناں رقم کیتیاں تے ملک تے قوم دا وقار اچا کیتا ۔ترجمان پاک فضائیہ موجب پاک فضائیہ دا آپریشنل صلاحیتاں اچ ودھارا ، جدت اتے خودانحصاری دا سفر وی ڳاوݨ دا خاصا اے۔ ایں ڳاوݨ اچ ایں عزم دا اعادہ وی کیتا ڳئے افواج پاکستان عوام دی مکمل قوت دے نال دفاع وطن دے مقدس فرض دی بجاآوری کیتے ہر ویلھے تیار اے ۔