اسلام آباد۔15اگست (اے پی پی) وزیراعظم محمد شہبازشریف ٻاہرلی سرمایہ کار کمپنیاں خصوصی طور گوادر فری زون اچ سرمایہ کاری کرݨ آلی کمپنیاں دے مسئلیاں دے حل کیتے کمیٹی ٻݨا ݙتی اے اتے ہدایت کیتی اے جو سرمایہ کرݨ آلی کمپنیاں دے رستے اچ ساری رکاوٹاں کوں فوری ہٹایا ونڄے۔ سنوار کوں وزیراعظم آفس دے میڈیا ونگ توں جاری بیان موجب اے ڳالھیں انہاں آپݨی صدارت اچ ملک اچ سرمایہ …
وزیراعظم محمد شہبازشریف دی صدارت اچ اجلاس، گوادر فری زون اچ سرمایہ کاری کرݨ آلی کمپنیاں دے مسئلیاں دے حل کیتے کمیٹی ٻݨا ݙتی
اسلام آباد۔15اگست (اے پی پی) وزیراعظم محمد شہبازشریف ٻاہرلی سرمایہ کار کمپنیاں خصوصی طور گوادر فری زون اچ سرمایہ کاری کرݨ آلی کمپنیاں دے مسئلیاں دے حل کیتے کمیٹی ٻݨا ݙتی اے اتے ہدایت کیتی اے جو سرمایہ کرݨ آلی کمپنیاں دے رستے اچ ساری رکاوٹاں کوں فوری ہٹایا ونڄے۔ سنوار کوں وزیراعظم آفس دے میڈیا ونگ توں جاری بیان موجب اے ڳالھیں انہاں آپݨی صدارت اچ ملک اچ سرمایہ کاری تے اعلی سطح اجلاس اچ خطاب کریندیں ہوئیں آکھی۔ اجلاس اچ وفاقی وزرا مفتاح اسماعیل، چوہدری سالک حسین، احسن اقبال معاونینِ خصوصی طارق فاطمی، ظفرالدین محمود اتے متعلقہ حکام شریک تھیے۔ اجلاس اچ وزیراعظم کمیٹی کوں ݙاہ ݙینھ دے اندر تفصیلی رپورٹ ااتے سفارشات ٻݨا تے پیش کرݨ دی ہدایت کیتی۔
