وفاقی کابینہ سابق مشیر داخلہ شہزاد اکبر دا نام ای سی ایل اچ پاوݨ دی منظوری ݙے ݙتی

اسلام آباد۔16اگست(اے پی پی) وفاقی کابینہ سابق مشیر داخلہ شہزاد اکبر دا نام ای سی ایل اچ پاوݨ دی منظوری ݙے ݙتی اے۔ وزیراعظم شہباز شریف دی اڳواݨیا چ تھیوݨ آلے وفاقی کابینہ دے اجلاس اچ سابق وزیراعظم عمران خان دے مشیر برائے احتساب شہزاد اکبر سودھا 10 ٻئے لوکاں دے ناں ای سی ایل اچ پاوݨ دی منظوری ݙتی اے ڄݙاں جو وزارتِ داخلہ دی سفارش تے 22 لوکاں دے ناں ای سی ایل توں کݙھݨ اتے 3 کوں ہک واری ٻاھرو ونڄݨ دی وی منظوری ݙتی۔ بیرسٹر ضیاء المصطفیٰ نسیم دا ناں وی ای سی ایل تے پاتا ڳئے۔ ݙوہاں دے خلاف پراپرٹی ٹائیکون کوں برطانیہ توں آوݨ آلے پیسے کیتے ہتھ ونݙاوݨ دا الزام اے۔